المساعد الشخصي الرقمي

مشاهدة النسخة كاملة : تمرين جديد


محمد سعد
06-26-2007, 01:49 AM
السلام عليكم
ده تميرن خفيف وبسيط
يجمع بين النسخ والرقعة
عاوزكم تنقطونى ..... اسف
هههههه
تنقدونى بجد
بس برده وحده وحده
علشان انا زى ما انتم عرفين مش دارس

محمد سعد
06-26-2007, 01:55 AM
على فكرة القلم 2م
وبصراحة مش عارف البوصة مشطوفة صح ولا ......
ما حدش يضحك:p
سوف اصورها كى تروا وضعية الكتابة بها
يله..... سلام

الطيب
06-26-2007, 01:37 PM
ما شاء الله
حروف جميلة ينقصها القليل من التركيز في تفاصيلها
أرجو أن ترجع لكراسة تختارها في أي نوع من الخط وتدرسها منعزلة حتى تتقنها ومن ثم تتحول إلى أسلوبك في كل نوع.

أقترح عليك كراسة عزت في الرقعة وكراسة شوقي في النسخ
وقبلهما اضبط قطة القلم لكل نوع جيدا

وفقك الله تعالى

أحمد عادل
06-26-2007, 05:47 PM
سلام عليكم و رحمة الله و بركاته
أهلا و سهلا يا أخي الكريم ... حموده.... (طبعا مش هاقول اسمك الحقيقي عشان ما حدش يعرفك).... انت فاهم.. هههههههههههه

بالنسبة للتمرين .. أنا سعيد اني اشوف لك تمرين .. تقريبا ده تاني تمرين اشوفه لك على المنتديات....

بالنسبة للحروف .. عاوزه شوية شغل يا باشا...
انتبه لاتصال اللام مع الحاء ... و بص له كويس في شغل شوقي...
حرف الدال كبير و مش مظبوط... شكله معمول بقلة إهتمام.. هو حركته صحيحه.. و ممكن يطلع احلى من كده... أنا متخيل...
ايدك حلوه..
رسم حرف الواو... عاوز شغل من تحت يا باشبوش

طبعا الرقعه .. مافيهاش هاء بالطريقة دي... أنت عاملها شغل سوق يا عمو...
حتى بدايات الحروف من فوق .. مبين نص قطة القلم من فوق... زي ما يكون كاتب بفرشه... هههههههههههههههه
لي صديق بيعمل كده.. بس عشان الفرشه لا تبين قطة البوصة من فوق.. و لذا يضطر انه ياخد خط موازي للقطه عشان الحافة تطلع نظيفه....

المهم إن شاء الله لو ربنا سهل لي هانزللك توضيح للكلام اللي انا قولته ده...
أحسن تفكر اني بخطرف في الكلام ولاحاجه هههههههههه
سلام يا حبيبي... و بارك الله فيك
أخوك أبو عادل

أحمد العمري
06-27-2007, 03:09 PM
شكرا لك اخي على العرض
ولكن ايهم الرقعه وايهم النسخ هههههههههه

هذه لفظ الجلاله بخط النسخ كتبتها من زمان فيها شرح بسيط

http://www.nor1sun.com/up/nor1/_1IontmbcdL.jpg


أخوك أحمد العمري . . .

محمد سعد
06-28-2007, 01:46 AM
السلام عليكم جميعا

كيف الحال يا عدول
والله يا باشا انا شاكر على المرور
وعلى تعقيبك الجميل اللى الواحد بيستفيد منه
بالنسبة للتمرين هو أكيد محتاج شغل كتير بس
هو مجرد تعارف بينى وبينكم والاهم من ده كله
هو إنى أحب أن أكون بمستوى أقل مشترك , بس
مش لاقى كلكم ما شاء الله أساتذةوعلى فكرة
ساعات ده بيخلينى متراجع بعض الشيئ فى
رفع التمرين , انا مستعد أرفع تمارين أخرى بس
ما حدش يزهق منى , ويهمنى جدا جدا جدا تعقيبكم
فعلا انا عاوز أتعلم............. مشكور

أخى الطيب
فعلا أنا محتج للنصائح الجميلة دى علشان الواحد يقدر
يضع خط سير له ونصيحتك مقبولة .............. مشكور


حبيبى العمرى
انا مش عارف أودى جمايلك دى كلها فين يا سلام بقى
لو كل تمرين تصححه لى ( ها تبقى عمرى وحياتى كمان)
ههههههه
وأقل خدمه ليك هاجيلك سوريا زى ما اتفقنا ... فاكر
ومعايا السيكو سيكو ... ماشى ... هههههههه
بااااااااااى

أبو الليل
06-30-2007, 02:14 PM
لا تخجلن من الردئ تخطه في اول التمثيل والتسطير

انشر تدريباتك يا عم ميدو ( على فكره انا عارف انت مين بس مش حقول ... احمد عادل فاهم )

محدش فينا يا عم اتولد وفي ايده بوصه
اعظم الخطاطين بيقعوا في اخطاء لما بيكتبوا
الخط ملهوش كبير
لازم تنشر تدريباتك ولو منشرتهاش هقووووووووووووووووووووووووووووول
ايه رايك في التهديد ده يا ميدو انت واحمد عادل هههههههههههههههه

نبيهه الرفاعي
07-09-2007, 11:53 PM
انت عارف رأى من زمان فى خطك يا محمد
انت موهوب بجد
لكن الموهبة وحدها لا تكفى
لازم دراسة ........لكن ماذا تفعل ؟ لا توجد عندك مدرسة

بعد ما قاله احمد عادل لا يوجد كلام يقال
بس الميم فى كلمة الحمد عجبتنى جدا و الدال كمان

ايدك حلوة ما شاء الله

ويا ريت تطبع النسخ للاستاذ مختار ستستفيد منه جدا
وراعى المسافات بين الحروف
و كما بتراعى سواد الحبر فى تكوين الحرف ، يا ريت تراعى البياض اللى بيكونه السواد ده .
ربنا يوفقك

إيهاب إبراهيم ثابت
07-10-2007, 08:31 AM
أخي محمد سعد لا بد من اتباع كراسة وتقليدها للتمرين فالتدريب العشوائي لا يفيد
للرقعة عليك بالكتابات التركية لعزت
والنسخ كراس محمد شوقي
بالتوفيق

كمال المروني
07-15-2007, 05:53 PM
اخي محمد ..
انصحك بالتركيز على خط واحد حتى لا تشتت ذهنك في أكثر من خط .
ملاحظات الإخوة فيها الكفاية .
أرجو لك التوفيق .