المساعد الشخصي الرقمي

مشاهدة النسخة كاملة : تمرين ثلث جلى


نبيهه الرفاعي
07-08-2007, 02:48 AM
اول مرة انزل تمرين ثلث جلى
سمك القلم زى ما هومكتوب 8 مم
فيه حروف عملت عليها غلط لانى مقتنعة بغلطها الواضح
وبصراحةكان نفسى اعمل على الحروف كلها غلط ........بس ما ينفعش
هومش حلوخالص.................... ومش عاجبنى
بس لو استنيت اكتب حاجة تعجبنى مش هاكتب خالص ، ومش هاعرض
عاوزة استمتع بالنقد من الاخوة اعضاء المنتدى
بس لازم نحط فى الاعتبار انى كتبت هذه الحروف بعد توقف فترة طويلة
يعنى م الاخر ما كنتش بدرب خالص
يعنى انقدوا ................بس بالراحة
نفسى اسمع نقد بجد يفتح نفسى للتدريب
مش معنى كدة كلام حلو..............لا
و تقبلوا تحياتى للجميع
فيه تمرين هنزله كمان شوية عشان الجهاز معلق كالعادة

أحمد عادل
07-08-2007, 02:51 AM
سلام عليكم و رحمة الله وبركاته...
زي ما وعدتك.. بكون أول واحد يرد عليكي....

بعد التعديل...
ماشاء الله لا قوة بالله تمرين جميل جدا و يد ثابته.. أغبطك على قوة آدائك...
انتبهي لبعض الملاحظات ... اللي انا مرفقها في الصوره....هي اللي صارخه قوي
حرف النون عجبني
و حرف الجيم...
و التمرين في مجمله جيد و الحبر جيد و فنش الحروف عندك عالي
تسلم ايدك ... و انتظري الباقي
اخوكي أحمد

نبيهه الرفاعي
07-08-2007, 03:53 AM
التمرين الثالث اللى قلت لكم عليه
بس يا رب ينزل
يا ريت اللى يعلق يعلق على الثلاث تمارين
ما تحرمونيش من متعة النقد البناء

**الشاهد**
07-08-2007, 04:22 AM
ما شاء الله مستوى جيد ..........

إحمدي ربك إن الثلث بدأ يبتسملك .......

أستاذي الفاضل إبراهيم العرافي قال لي خط الثلث لا يمكن يجي معاك إلا بعد درا سة مدة ست سنوات (على الأقل)


وإذا سمحتيلي مشكورة أصححلك بعض الحروف زي ماطلبت .......





وأنا فرحان إن في حد من الحريم بيصبر على الثلث .....


ونصيحة داومي على التمرين ولا تتركيه ......


كان أستاذنا حامد الآمدي من شدة تعلقه بالخط أنه كان بيكتب وهو على فراش الموت ..... تخيلي كم عانى وصبر رحمه الله .. لذلك وصل القمة ومات مرتاحا أنه عملها ....وهذي تكفي ....



صبرك الله على خط الثلث وأدامك لتتقنيه .....



أخوكم الشاهد تلميذ العرافي

أحمد عادل
07-08-2007, 11:39 AM
ماعرفش الصوره ظهرت ولا لأ
المهم خديها تاني

نبيهه الرفاعي
07-08-2007, 12:54 PM
شكرا للاخ الشاهد على مرورك الكريم
وبالنسبة -للحريم- على حد قولك ،!!!!!!! ابن مقلة اخذ الخط على يد سيدة اسمها شهدة والخط ينتسب اليها حتى الان .
و الخط العربى من الفنون العلمية ، او بمعنى اصح من العلوم الفنية اللى مضطلعة بيها المرأة .
و ربنا قال فى كتابه الحكيم : وقرن فى بيوتكن ..........واذكرن ما يتلى عليكن من كتاب الله و الحكمة الى اخر الاية الكريمة .
لان الخط محتاج قرار واستقرار فى البيت اكتر ، وهذه متوفر للفتاة اكتر من الشاب
غير ان الخط يعتمد على الذوق وطبعا لا يخفى على احد ان الفتاة ذوقها اعلى ( معليهش) هنزعل مننا الرجالة هههههههههههههه.
غير ان التاريخ مليان بالخطاطات اللواتى أضأن مشوار الخط العربى .
وان شاء الله هنزل موضوع كامل عن الخطاطات .بس مش دلوقتى .
لكن من اجل ان اهتمت الفتاة بامور تافهة هذه الايام ،،،ننسى فضل المرأة و دور المرأة فى هذه المجال . تبقى المرأة هى اللى غلطانة و وجب علينا تصحيح الصورة .
لكن اقدر اقول ان الوقت لا يسمح لى بالتدريب كثيرا .
و اشكرك على تعبيرك الجميل ان الثلث بدأ يبتسم لى ، بصراحة تعبير جميل جدا و عجبنى .........
واحب اضيف انى ادرس الخط العربى من عام 1997يعنى من 10 سنوات ، بس كانت دراسة خفيفة جدا و تعتبر قشور فى الخط العربى .
لكن الفترة دى تفرق معايا جدا عشان بدأت انظر لكتابات لم اكن انظر اليها من قبل -
من شهر فقط -و هى كتابات سامى و حليم و شوقى و الكامل ........و غيرهم ........
و حسيت بالفرق فعلا .
لدرجة انى مش عارفة كنت بكتب ازاى قبل كدة .
اشكرك جدا اخى الشاهد .



بالنسبة للاخ الكريم والعزيز جدا احمد عادل
مش عارفة اشكرك ازاى على تصحيحك الرائع لتمرين الثلث .
بجد انت فتحت نفسى لانى اكتب و اغلط و انت تصحح لى بالطريقة دى .
استفدت من التصحيح فعلا ، واكيد الناس استفادت هى كمان .
يا ريت تصحح لى باقى التمارين بالشكل ده و تعرضها, للاستفادة طبعا .
افضالك على كترت قوى و ربنا يقدرنى اردها لك .
وان كان على هاكتب كل يوم تمرين عشان تصحح لى .
منتظرين تصحيحك يا حاج احمد

hooosam
07-08-2007, 01:21 PM
الحمد لله بدأت الحروف تظهر ملامحها
التمرينات هذه افضل من اللوحة المعروضة سابقا من حيث شكل الحرف
و الله يا احمد ياعادل وفيت و كفيت و ما قصرت
واظبى على التمرين و دققى النظر فى تفاصيل الحروف عند سامى رحمه الله
ربنا يوفقك

إيهاب إبراهيم ثابت
07-08-2007, 02:19 PM
والله يا أخت نبيهة بتخوفي؟!!!!!!!!!!!!!
رهيب
ثلث فيه ملامح أنثوية.
زادك الله من علمه
بالتوفيق
وإيانا
آمين

murtaza
07-08-2007, 04:34 PM
good tamreen nabiha this is for you some corrections

محمد سعد
07-09-2007, 02:32 AM
بجد ربنا يبارك لك
وتتمرنى على طول
بس عاوز أعرف ايه نوع الحبر ده ؟
مشكوووووووووووووور

**الشاهد**
07-09-2007, 03:29 AM
السلام عليكم ورحمة الله وبركاته ......

الأخت الفاضلة نبيهة الرفاعي ....

بجد أنا ما قصدتش لما قلت (وأنا فرحان إن في حد من الحريم بيصبر على الثلث .....)

غير التشجيع. ويعلم الله إنه مش إنقاص لأي من نساء العالم ....

وأنا أعرف كتييير من الخطاطات المعاصرين بيعملو لأنفسهم معارض وغيره من الإهتمام بهذاالفن...ودا دليل إن المرأة لها حس في هذا الفن .....


دا حتى كلنا عارفين وأنا أؤمن تمامابالمثل ( وراء كل رجل عظيم إمرأة عظيمة)...

ودور المرأة في الإسلام عظيم ولا يخفى عينا هذا الدور......

وأنا أكرر إعتذاري إذا كانت العبارة طلعت عفوية وزعلت أي حد .....


(أرجو أن أكون وضحت موقفي من مكانة النساء في داخلي وفي الإسلام) "](وإلا الله يعين اللي هايجيلي من بنات حوا) لو عرفو إني بنقص حقهم ....ههههههههههههههههه [/COLOR]

ختاما أكرر إعتذاري .... والله أعلم


أخوكم الشاهد

نبيهه الرفاعي
07-09-2007, 10:11 AM
شكرا يا استاذ حسام على المرور و تشريف حضرتك للموضوع
وانا بالفعل كنت ادرب على مقاطع معينة من من كتابات سامى
ويا رب استمر

الاخ ايهاب
كيف بخوف ؟؟؟؟ ههههههه
انت بس اللى مجامل ، و كلك ذوق
ادعى لى انى استمر بالتدريب ورح تشوف احلى ثلث بحياتك :)
و ميرسى كتير عا المرور الحلو
يعطيك العافية


Thank u ustaz Murtada for corrections , it's very useful 4 all of us
I wish if I do the best ,and I wish if I could continue
Thank u again ,and GOD bless u



ابو كريم شكرااااااااااا
الحبر عملته بشوية حصا جوز اسود
وماء مقطر من الصيدلية فقط ،،، بدون صمغ عربى
وتقلب ، و تسيبه لحد ما يدوب خالص
وتكتب بيه بعد كدة من غير ما تحطه على النار
بس كان بيبقع فى اماكن على الورق مش عارفة ليه
اصل الورق كوشيه لامع ،،،، وبصراحة ما بحبوش
بس اعمل ايه ....احمد عادل اللى قالى اكتب عليه عشان يساعدنى فى الكتابة
شكرا ليك مرة تانية و ما تزعلش منى



الاخ الشاهد
حصل خير وكلنا اخوات فى المنتدى الرائع هذا
والله انا سعيدة جدا بمعرفتك وبمرورك على هذا الموضوع
والانسان ما بيزعل من التانى الا لو كان بيستاهل
صح ؟؟؟؟؟؟
اعتبرنى اختك الكبيرة
وشرفتنى و الف الف شكر

علواني
10-16-2008, 11:21 PM
ماشاء الله نور على نور وهذه المرة الثانية التي اغبط فيها ياختي ان لديك حروف جميلة والله اخت نبيهه انا باحييك

والله مستوى جميل ورائع والى امام انشاء الله تقبلي مروري

محمود جبر
10-17-2008, 12:44 AM
الاخت نبيهة ماشاء ايدك قوية وواضحة فى حرفك
مزيد من التفوق والتمرين يزداد الحرف قوة وجمال
وان شاء الله هيكون لبكى شأن فى الخط
تقبلى مرورى