المساعد الشخصي الرقمي

مشاهدة النسخة كاملة : وما بنطق عن الهوى -لث عادى


نبيهه الرفاعي
07-08-2007, 04:08 AM
لوحة صغيرةجدا كتبتها السنة اللى فاتت
وما ينطق عن الهوى ان هو الا وحى يوحى
طبعا اخطاءها واضحة
الاخطاء هى ( حرف الواو فى اول الاية ،وكشيدة الياء ، وكلمة وحى ويوحى )
كل دى اخطاء جسيمة .
.


اللون الدهبى اللى فى اللوحة
دا دهب ايطالى ( علبة ) اسمها(settebello)استبللو 125 مللى .
فكرة احمد عادل
وما زلت ابحث عن نوع دهب جيد.

hooosam
07-08-2007, 04:30 AM
اولا : حبيت اقول تسلم ايدك
ثانيا كلنا نستفيد فى المنتدى فكلنا عشاق للخط العربى
و مع التمرين و كثرة المشق سيكون مستواك رائغ
اعملى دراسة على رأس الواو
اما فى كلمة وحى يوحى الخروج من الحاء للياء يكون نقطتين ( نقطة داخل جسم الحاء)
و النقطة الثانية نعد جسم الحاء
كما ان هناك تفاصيل صغيرة فى الحروف يتغير فيها اتجاهات قطة القلم يمينا و يسارا
يمكن الاستفادة فى هذه النقطة لو عملتى دراسة على حروف بظهر منها اتجاهات قطة القلم مثل لوحات محمد اوزجاى المكتوبة باحبار تظهر حركات القلم مثل لوحة
فصبر جميل و لوحة من جال نال و غيرها
و اتمنى لك التوفيق

أحمد عادل
07-08-2007, 06:22 PM
سلام عليكم و رحمة الله و بركاته
فعلا فوجئت بهذا المستوى يا أخت نبيهه...
مستوى جميل ... و الزخارف حلوه.... قوي ...
و الدهبي طبعا ما يظهرش في الاسكانر....
و اهم حاجه تظهريه على ارضيه تكون غامقه شوية ... هايطلع معاكي جنان
انا شايف ايدك في الفرشه حلوه.... ..

بالنسبة للحروف مش هاعقب عليها و يكفيكي كلام استاذنا حسام باشا ...
على العموم .. منوره المنتدى بمشاركاتك اللذيذه...
و ربنا يكرمك و يصلح حالك ...
سلام عليكم

محمد سعد
07-09-2007, 02:19 AM
ما شااااااء الله أخت نبيهة
تمرين جميل وموفق
والله انت عارفة انى دراستى غير وافية حتى انقدك
بطريقة علمية ولكن .... لى تحفظ على حروف الهاء
و الواو فى ( الهوى ) وأيضا رؤوس الالفات والامات
أما عن توجيهات الاستاذ حسام مفيدة لنا جميعا
والله الموفق .... مع انى زعلان علشان لم تعقبى على تمرينى
مع انك رأيتيه ... انا عارف انه بسيط جدا ولكن حبيت أعرف رأيك
وسلااااااااااااااااااااااااااااااااااااااااااااام

جميعا ...

نبيهه الرفاعي
07-09-2007, 11:04 AM
شكرا يا استاذ حسام على النصيحة الحلوة دى
وانا بالفعل بدأت احلل الحروف
بس دا من فترة بسيطة جدا واللوحة دى من سنة نقريبا
يعنى ما كنتش لسة بدأت ادرب على كتابات سامى
بس لسة مش قادرة اظبط حرف الواو حتى الان صعب قوى
مع انى كنت بعرف اكتبه قبل كدة
زى ما يكون التدريب بييجى معايا بالعكس



الاخ الكريم احمد عادل
شكرا على اعجابك بالشغل البسيط دا
انا لسةفى الاول ويا رب نوصل لحاجة كويسة
الالوان كانت اوضح فى النسخة الاصلية



ابو كريم شكرا على المرور

مختار
07-09-2007, 05:16 PM
تصميم جميل ورائع يا أخت نبيهة ، سلمت يمناك ، الله يزيدك من فضله .

نبيهه الرفاعي
07-09-2007, 10:51 PM
اشكر الاخ الكريم والاستاذ الفاضل مختار عالم على المرور
والله مرور حضرتك بيشرف اى موضوع
وحضرتك شرفتنى وكان نفسى تكون الكتابة احلى من كدة شوية
ربنا يسهل لنا طريق العلم

كمال المروني
07-12-2007, 06:25 PM
ما شاء الله ..
كتابة جميلة ..
سلمت يداكِ .
اسمحي لي ببعض الملاحظات :
حرف العين يحتاج إلى شغل شوية وكذلك الهاء ..
انظري الصورة المرفقة .

عاشق الابراهيمي
07-12-2007, 08:24 PM
[CENTER]مشكورة أخت نبيهة على هذا المجهود الطيب
كما يعجبني هذا الاهتمام والحرص الذي تبدينه أثناء كلامك ، ألا وإنها سيمة الخطاط المتقن الذي يتحرز من كل ملاحظة مهما صغرت .
أما عن مستواك فإني أقول أنك في مجال الاحتراف أنت لست مبتدأة أو كما تقولين بل جيدة إلى حد بعيد ، وتواضعك يفتح لك طريق الاتقان
من باب الملاحظة احرصي على إعطاء اهتمام لترويسات الألف و كذلك مراعاة سمك الحروف مثل بدايات راقات الواو في كلمة الهوى
هذا وزادك الله تألقا
أما بالنسبة للتذهيب فهو المشكل الذي لم أجد له حلا بعد
عسى أن تكون الايام حبلى بالجديد .......
عاشق الابراهيمي يحييكم [/CENTER
]mohhad2002@yahoo.fr

نبيهه الرفاعي
07-12-2007, 11:37 PM
الاخ كمال المرونى شكرا جزيلا على الصورة بخط الاستاذ حسام المطر
انا بحب خطه جدا جدا ...........تحياتنا له .
شكرا جزيلا على كلامك الحلو



الاخ الكريم عاشق الابراهيمى
كلام حضرتك لى فتح نفسى بجد ، وانا بالفعل خطاطة كسلانة ، لانى لا اديم التدريب
نظرا لظروفى .
نفسى استمر فى التدريب ، وكلام حضرتك لى يعطينى دفعة للامام .
عاوزة اقول ان اللوحة دى من سنة ، وانا بدأت ادرب من كتابات سامى من شهرين فقط .
يعنى هناك فرق كبير جدا
ربنا يوفقنا جميعا و شكرا جزيلا مرة اخرى

كمال المروني
07-13-2007, 04:44 PM
الاخ كمال المرونى شكرا جزيلا على الصورة بخط الاستاذ حسام المطر
انا بحب خطه جدا جدا ...........تحياتنا له
شكرا جزيلا على كلامك الحلو

أختي الكريمة نبيهة ..
يا ريتني كنت قريب من الاستاذ حسام ..
المشلة أنني في اليمن وهو في سوريا . يعني أنتو أقرب إلي منه :(
أعرفه من النت فقط واستفيد من ملاحظاته .
تحياتي ..

أبو الليل
07-15-2007, 03:53 PM
اجمل شئ عجبني يا اخت نبيهه انك كسرتي الحاجز وعرضتي التمرين بكل جرأه وهو ده اللي كان نفسي تعمليه من زمان
وفي رايي دي خطوه كبيره قوي لازم يتخطاها كل متعلم او حتى محترف
مش هعقب على التمرين لاني عارف انه من سنه ومش هو ده مستواكي الحالي بعد التدريب على اعمال سامي
لكن احييكي على شجاعتك وجرأتك

كان ليا تعقيب على كلمة قلتيها بكل تلقائية لكنها واقعيه جدا وعن تجربه
لما بتقولي ( كأن التدريب بييجي معايا بالعكس )
وهنا احب اوضح شئ انا جربته
لما الواحد بيتدرب من مشق بيحس فعلا انه مستواه رجع مش اتقدم في اللحظه اللي هو بيتدرب فيها وده لانه مش بيبقى مركز فقط في الكتابه بيبقى بيحاول يقلد الكتابه الموجوده في المشق فبيبقى متشتت شويه ومش كل تركيزه في كتابته لانه بيبقى متشتت ما بين الكتابه والنظر في المشق
لكن بعد ساعات بسيطه لما الواحد بيقعد يكتب من غير ما يبص في المشق ويكتب من خلال تحليله السابق للحركات في المشق واشكال الحروف لكن من غير ما يشتت نفسه في النظر في المشق تاني بيلاقي المستوى يفرق كتير
يعني اثر التدريب مش بيبان في نفس اللحظه ده بالعكس في نفس اللحظه بيبقى الاثر عكسي
الاثر بيبان بعدها بساعات او ممكن يوم كمان وبنلاحظ الفرق الكبير في المستوى
ده شئ انا لاحظته من خلال التدريب لفتره كبيره اتمنى اكون وضحته

واتمنى لك كل توفيق
ومنتظر تمارينك الجديده علشان نشوف الفرق في المستوى
وربنا يوفقك

نبيهه الرفاعي
07-21-2007, 01:49 AM
تعرف انك حليت لى مشكلة كبيرةجدا
ما كنتش عارفة اعبر عنها
انا وخطاطين كتير فى اول الطريق
جزاك الله عنا كل خير يا محمد
انت فعلا خليتنى اخد بالى من نقطة مهمة جدا
كنت فاكرة ان ده قصور منى
لكن طالما انها قاعدة ، يبقى كدة تمام ...ومش هعقد نفسى تانى
ربنا يبارك فيك
ويفتح نفسك
تقبل تحياتى

ehab aziz
10-09-2007, 05:32 PM
الاخت العزيزه نبيهه
طبعا واضح جدا الاخطاء فى بعض الحروف والكلمات التى ذكرتيها وانا مش هتكلم فيهم لكن بالنسبه للذهب ما فى احلى من بيبيو الفرنساوى وهذا عن تجربه شخصيه لى و ايضا التالنز بدون نقاش
اخوكى ايهاب عزيز من مصر وانا طبعا لا ارقى لمستواكم العظيم
مع جزيـــــــــــــــــــــــل الشكر والامتنـــــــــــــــــــــــــــان

رشيد حمدي
10-10-2007, 06:41 PM
الأخت الفاضلة نبيهة , ما دمت مسكونة بروح الخط و محبة له بهدا الشكل فحتما سيسير مستواك فى خط تصاعدى نحو القمة , تحياتى

الخطاط مجدي
10-12-2007, 10:56 PM
ماشاء الله اختي نبيهه

عمل موفق وزخرفة جميييييلة

بورك فيك

اخوكم

محمد مجدي تلميذ العرافي

نبيهه الرفاعي
10-13-2007, 10:52 PM
اخى ايهاب ..انا جربت البيبيو فعلا من يوم ما دخلت التخصص...و حسيت انه مش جودة ...
و بصراحة كل ما اشوف اى خطاط اومزخرف اساله على اللون الدهبى... و تكونت عندى ذخيرة من المعلومات ...كل واحد نصحنى بنوعية ...
منهم الاستاذ حسام عمر نصحنى بالتالنز ........ و منهم الاستاذ ثائر نصحنى بالبليكان ... و منهم الاستاذ غيث الشهابى نصحنى بالدهبى اليابانى ........و منهم الاستاذ عكلة الحمد و الاستاذ محمد عماد نصحونى بالدهب الحقيقى ....
ومنهم الاستاذ رياض نصحنى بالدهبى المائى ....و هوفنان جزائرى وقالى ان الدهبى المائى هذا ما بيغيرش لونه ابدا
و ربنا يسهل ...و مستوايا مش جيد لدرجة انك لا ترقى ليه ...اتمنى ان ارى تمريناتك ولوحاتك فى المنتدى

اخى رشيد شكرا على كلماتك وتشبيهاتك التى ليس لها مثيل ...كلامك مشجع جدا ...بارك الله فيك .

شكرا لاخى محمد مجدى على المرور.... و اهى محاولة يا اخ محمد ..بنحاول نكون قطرة فى بحر الخط العربى ..و يا ليتنى قاربتها

الفنان شيكو
01-06-2008, 05:28 AM
بسم الله ماشاء الله .. تسلم ايدك يااخت نبيهه .. والى الاكام دائماًhttp://forum.egypt.com/arforum/redirector.php?url=http%3A%2F%2Fwww.piccs.net%2Fge timg.php%3Fimg%3Dsheko__fire__1.gif

نبيهه الرفاعي
01-08-2008, 10:34 AM
شكرا للاخ شريف( الفنان شيكو ) على المرور ..و كلماتك المشجعة...

الخطاط عادل الحربي
01-08-2008, 06:43 PM
الأخت نبيهة الرفاعي :
جميل جدا وواصلي تكثيف الكتابة للحروف المفردة
عندي ملحوظه العين تحتاج عنايه والواو أيضا التركيب متناسق

تسلم أيدك وواصلي الإبداع

نبيهه الرفاعي
01-08-2008, 06:54 PM
شكرا للاستاذ عادل الحربى على مروره المشرف و ملاحظاته الدقيقة ... و نصائحه الغالية
فالحمد لله قد اتجهت اتجاها مختلفا تماما اثناء التمرين ... و بدأت عينى تلحظ ما لم تكن تلحظه قديما ... و بدات ائتلف الحروف اكثر ... و الحمد لله... و اتمنى ان يستمر التمرين يوميا .
تقبل تحياتى و احترامى

المستفيد
01-09-2008, 09:26 AM
عاشت الايادي اخت نبيه كتابه جميله وزخارف حلوه وفقك الله

نبيهه الرفاعي
01-10-2008, 03:43 PM
شكرا استاذ زيد على المشاركة و التعقيب الجميل
وفقك الله ورزقك ما تتمنى

جاب الخير احمد رياض
01-10-2008, 08:22 PM
السلام عليك نبيهة هانم
لوحة جد لذيييييييييييييييذة وتركيبة مبتكرة و حلوة..خاصة مع الزخرفة وهذا دليل انه عندك مخزون تشكيلي هائل يعني رسامة و خطاطة..بس حاسس انك لما قمت بتنفيذ اللوحة كنت خايفة لان الحروف فيها شوية رعشة ..بس ماشاء الله عليك نفسك حلوى في الاتقان موفقة لكل خير

نبيهه الرفاعي
01-11-2008, 12:28 AM
شكرا على المرور المشرف استاذ رياض
هى اجتهادات ...و بحاول اوصل لشى معين
و بالنسبة لرعشة اليد ...هى فعلا كذلك ...و لكن ليس من الخوف من التنفيذ... و انما لطول فترة الانقطاع عن الكتابة
و الحمد لله كانت فترة ماضية و يارب ما تعود تانى
مرة اخرى استاذ رياض الف شكر على تعقيبك الصريح على اللوحة ... فالمجاملات وحدها لا ترفع من مستوى طالب العلم .

عبدالاله لعبيس
03-11-2008, 08:43 PM
ماهدا التواضع اختنا نبيهة
الى الامام فانت على الطريق الصحيح ان شاء الله
هناك مثل فرنسي يقول A FORCE DE FORGER ON DEVIENT FORGERON
بما معناه بكثرة الطرق على الحديد نصبح حدادا
اعانك الله ونتمنى ان نرى مستوى افضل

نبيهه الرفاعي
03-13-2008, 12:21 AM
شكرا لتواجدك معنا فى الموضوع اخى عبدالاله
اتمنى تكون عجبتك اللوحة برغم الاخطاء الموجودة فيها
تقبل تحياتى

مروان الحربي
03-13-2008, 04:50 PM
اسف اختي نبيهة لتاخري بالرد
احب اقول ليه ماتغرش منك الستات ويصيروا زيك خطاطات
الله ينور عليكي
ارى في كتاباتك مستقبل كبير اكثري من التمرين وراح تصلي البر
الله يعاونك في كل الامور يارب

سعيد النهري
03-13-2008, 05:31 PM
سلامات يا ستي نبيهه
انا وراك وراك
طب يا ستي م اتعيدي كتابة اللوحة من جديد
ده انت اليوم خطك اقوى واجمل ومزبوط اكثر وخبره
يلا بلا كسل وتلكك وصل ع النبي واقعدي وامسكي القلم ......
وبانتظار انتيجة
وقلبي معاك وتخافيش ولا تهتمي من النقد
وربنا معاك

نبيهه الرفاعي
03-13-2008, 09:34 PM
استاذ مروان الحربى

جميل ان اللوحة عجبت حضرتك ... و على فكرة فيه بنات كتير جدا خطهم احلى من خطى 100 مرة لكن ما حدش يعرف عنهم حاجة
و طول ما انتم بتشجعونى و بتوجهونى التوجيه السليم ...ان شاء الله سأصل لما تتمنوه لى


استاذ سعيد النهرى
يا مرحبا ...
بفكر فعلا فى اعادة كتابة هذه اللوحة بنفس الاسلوب و نفس التركيبة

اسعدت قلبى بمرورك الجميل

أبو ابراهيم المياديني
03-24-2008, 01:56 PM
أخت نبيهة يقول الشاعر :
ولقد أقول لمن تحرش بالهوى عرضت نفسك للبلى فاستهدف
أنت أقوى من كثير من مدعي الخط وطريق الألف ميل يبدأ بخطوة كما يقول المثل , واستمري
فأنت في الطريق الصحيح يقول ابن البواب :

لاتخجلن من الرديء تخطه فلرب سهل جاء بعد عسير
أخوك عبد الله الحسين

نبيهه الرفاعي
03-25-2008, 10:49 PM
استاذ عبد الله
اثلجت صدرى بمرورك و كلامك الجميل و المشجع جدا.
و أتمنى أن أصل يوما ما لمستوى جيد فى الخط العربى ...و اسلك الكثير من السبل لتحقيق ذلك.
و أسأل الكثير من الاساتذة ... و يعتبرها الكثير غرور- و لكن سامحهم الله.
مع انى لا أرى اى غرور فى ان يجرى طالب العلم و يلهث وراء المعلومة اينما وجدها عند اى استاذ .أم أن هذا عيب أصبح يذم طالب العلم به ؟؟؟؟ارجو ألا يغضب كلامى هذا أحدا منى
هى مجرد وجهه نظر
تقبل تحياتى

أبو ابراهيم المياديني
03-26-2008, 12:12 AM
اخت نبيهة يقول النبي عليه الصلاة والسلام (الحكمة ظالة المؤمن أين ما وجدها فهو أحق بها )
وأنت إذا رأيت خطاطاً كبيراً مثل الأستاذ عبيدة البنكي عندما يتأدب مع منهم أقل منه مستوى حين يسأل أحدهم عن تقنية معينة قد استخدمها في لوحة معينة ستقولين عبيدة هو التلميذ والتلميذ هو الأستاذ
الأمر الآخر المغرور هو الذي يتكبر على السؤال أنا عندما أكتب لوحة ويراها الأستاذ عبيدة أو الأستاذ مهند الساعي ولاتعجب أحدهم فأنا أغيرها مباشرة بل وأطلب وضع الملاحظات بقلم الرصاص عليها مباشرة وهذا لاينقص من قدري ولك التحية وأسأل الله لك دوام التقدم

محمد عبد السلام
05-06-2008, 04:44 PM
أختي / نبيهة
أولا أنا متفاجيء من هبوط مستواك في هذه اللوحة وهذا لا يدل على انقطاعك عن الكتابة فترة بسيطة ( اكيد مرت فترة أكثر من سنه )
على العموم أنا كان مستواي نزل نزلة كبيره لدرجة أني بعدم كتبت قلت في نفسي معقوله أكون بقيت بالشكل ده ؟؟؟؟؟؟؟؟
ولكن مع التمرين بيكون فيه ازدياد
فتمرني كثيرا إحنا درسنا 6 سنوات(( حرام نضيع ما تعبنا من أجله ))
ولا أدري ما الذي يشغلك عن التمرين
طيب أنا معي العذر ( لأن عملي من السابعة صباحا وحتى صلاة العشاء )
ومع ذلك أهتم بالثلث والنسخ والرقعة بعض الشيء
أهتمي بترويس الألف واللام ( من يجيد الألف واللام يجيد كتابة ربع اللوحة تقريبا ..... على حسب الجملة )) وعنق الواو المتصله يكون نصف نقطة
نهاية الواو الجزء المدبب يعلو حتى يصل إلى مستوى البياض الذي في رأس الواو يعطيها جمالا ودقة
سبحان الله هذه الآية كنت أفكر في كتابها واكن من أول سورة النجم إلى علمه شديد القوى
وإن شاء الله سترينها في القريب
أما تعقيبي على المواضيع يرجع إذا كان هناك وقت يسمح لي أم لا
أنا أعمل حجم عمل سبعة موظفين شغل مش عادي يعني تقدري تقولي محاسب وإداري وشئون عاملين و.....و.....و..... و....... الخ
وربنا يكون في العون
لكن أريد عودة مستواك ( خط ... نبيهة .... كان أفضل بكثير من هذه اللوحة )

عزالدين
05-06-2008, 05:44 PM
السلام عليكم
أحييك الأخت الكريمة على جهدك وروحك الخفيفة وأقول لك بأننا كلنا نتعلم وسنموت أكيدا ونحن نتعلم ولله الكمال. ويكفيك شفاعة أنك فتاة وتحبين هذا الفن العريق و الجميل وقد قرأت يوما ان فتاتين من اليابان زارتا خصيصا الخطاط الكبير حامد الآمدي لتعلم الخط العربي رغم جهلهما للغة العربية. فقط نصيحتي لك أن تتجنبي الإمضاء الطويل فهو يؤثر على النظرة العامة للوحة و أحيي فيك ايضا طريقتك فى تركيب اللوحة ولمستك الجميلة. أخوك عزالدين.

عباس الدشتي
05-06-2008, 08:14 PM
أختي الفاضلة
إن من أهم الأمور في مشوار تعلم الخط
هو الاحتفاظ بالتمارين و اللوحات القديمة
مهما كان المستوى ضعيفاً
و يفضل وجود التواريخ عليها
فمن الضروري أن يقارن الخطاط بمستواه
خلال فترات تطوره
وهذا ما يعطيه القدرة على اكتشاف الأخطاء
و تقييم نفسه دون مجاملة
وهذا ما حدث معك
فطالما انك عرفت الأخطاء الفنية في خطك
فذلك يعني أنك بلغت مرحلة جيدة من الوعي الفني
زادك الله علماً و عملاً

نبيهه الرفاعي
05-06-2008, 09:44 PM
شكرا للاستاذ عبد الله على كلامك ... مما اعطانى ثقة انى على حق
دمتم بخير و نتمنى عودة حضرتك مرة اخرى فى المنتدى...بعد الانتهاء من الاعمال
بارك الله فيك

نبيهه الرفاعي
05-06-2008, 09:49 PM
اخيرا يا استاذ محمد عقبت على موضوع:)
و اخيرا وجدت من يفهمنى لما بقول ان مستوايا ضعيف ...و البعض بيفتكرها تواضع و البعض الاخر بيفتكرنى بعمل بروبجندا حول نفسى
حضرتك الوحيد اللى تعرف مستوايا قبل كدة ...و عشان كدة قلت ان المستوى هبط
و لم تكن فترة الانقطاع سنة واحدة ...كانت 4 سنوات و شوية
و لكل واحد فينا ظروف تمنعه من مزاولة ما يحب كما ينبغى
ايام المدرسة كنت بتمرن تقريبا طول اليوم ......و عشان كدة كان مستوايا بيتقدم يوميا والله...و وجود الاساتذة معانا كان اكبر حافز
انما الان بدأت ارجع للتمرين من تانى و خاصة الثلث العادى
و شكرا جزيلا لك
على فكرة الاستاذ حفناوى فاكرك و الاستاذ عبد السميع ... سلامك لهم وصل
و ربنا يعينك على ما انت فيه...تحياتى

نبيهه الرفاعي
05-06-2008, 09:53 PM
اخى الكريم عز الدين ...ربنا يكرمك
كلامك شجعنى و عندك حق فى الامضاء الطويل
لكن اعتبرها غلطة من غلطات زمن فات ...و ربنا يفتح علينا ...و شكرا على توجيهك بطريقة لطيفة
سعدت بمرورك جدا...و قصة الفتاتان اليابانيتان...ولو تعرف البنات بيحبوا الخط قد ايه... انما مفيش مشجع ...دايما الناس و البيت ينظروا للبنت نظرة مختلفة ...
شكرا جزيلا

نبيهه الرفاعي
05-06-2008, 09:57 PM
استاذ حامد ... الله يسعد ايامك
لا تتصور بسعد بمرورك و كلامك و تشجيعك لى الى اى مدى
كلامك بيحفزنى جدا ..........جداو بيعطينى حيوية و نشاط
سواء الابداع او المبدعين ...و دا من حظى الحلو والله
و كلامك صح ...عن الاحتفاظ بالتمارين و الاهم التاريخ ...لكن للاسف النسيان عندى مسألة ليس لها حل...انسى اكتب التاريخ فى اى تمرين
و اتمنى ان ارجع الى ما كنت عليه قبل فترة الانقطاع ...و ربنا يكرم
جزاك الله خيرا على مرورك الجميل

ألماسه
05-06-2008, 10:32 PM
رائعة انتي يانبيهه..
سلمت يمينك..
شوفي انتي وين وانا وين:(

نبيهه الرفاعي
05-06-2008, 10:51 PM
بكرة تبقى احسن منى والله
لكن التمرين مهم جداااااااا
و الايام بيننا :)

ألماسه
05-06-2008, 10:59 PM
نشوف وحفكرك وتقولي ألماسه قالت..
ربنا يحفظك

محمد عبد السلام
05-06-2008, 11:12 PM
أختي / نبيهة
الله يخليكي بالفلاحي اتمرني تاني كتير لابد من عودة مستواكي
اللوحة لا تمثل 7/10 من مستواكي الذي أعرفه
وهيعود ان شاء الله
أنا أول ما سافرت من ست سنوات حاولت أكتب وكان خطي ربا أصبح هابط لدرجة ما كنت اتخيلها أبدا
لان فترة الانقطاع عن الكتابة يمكن ثلاث سنوات ........ اللهم إلا كتابة الامتحانات فقط
ثم من خلال دخولي عل النت أكتب أحيانا لمدة عشرة أيام وممكن انقطع بالستة أشهر ولكن يعود المتوى إلى حد ما مقبول مرة أخر
والله كان مستواك كبير جد ا بالنسبة لهذه اللوحة
أرجوكي اتمرني كتير
عاوز أشوف خط نبيهه الذي أعرفه
وأنا متأكد اللوحة الجاية هتكون أفضل بكثير

محمد عبد السلام
05-07-2008, 10:35 PM
أنا هعمل لك دوشة لغاية ما يعود مستوى نبيهه
والجماعة كلهم تقريبا خلصوا كلام بس أنا مش هخلص هعمل لك صداع علشان تكتبي كتير
ولا بلاش الصداع ..................... صداع وهتكتبي ازاي ؟؟؟؟؟
فيه أخ اسمه ايهاب عزيز بيقول البيبو الفرنساوي أجمل ذهبي
أنا بقول له لأ فيه الأفضل منه بمراحل ((( اليــــــــــــــــــــــــــاباني ))) المشكله أصبح غير موجود بالمكنبات في القصيم حتى مكتبة جرير ................. لماذا لا أدري

نبيهه الرفاعي
05-08-2008, 12:39 AM
طيب أجيبه منين اليابانى ده يا استاذ محمد ؟؟؟
هو كان الاستاذ غيث الشهابى مزخرف عراقى نصحنى به
و الاستاذ رياض ...الفنان الجزائرى نصحنى بالحبر المائى الذهبى ماركة بيبيو
مش لاقية الاتنين
على فكرة انا بتمرن شوية ...عن الاول ..ما تقلقش يا استاذ محمد
حسيت ان نفسيتى اتفتحت و بالى مرتاح لما رجعت اكتب من جديد
ربنا يسهل

محمد عبد السلام
05-08-2008, 01:45 PM
عندي في البيت ربما 4 أو 5 بترمان 50 مم هحاول أشوف طريقة لإرسالهم إليكي على مدرسة الخطوط عند الأستاذ عبد السميع أو الأستاذ مصطفى عبد المولى
أو بطريقة أخرى إن شاء الله
ولك تحياتي

محمد عبد السلام
05-08-2008, 01:48 PM
المشكلة ............... أصبح غير موجود في السوق هنا بالمرة .....وببحث عنه من أكثر من سنة ولكن رنا يسهل
مش هنغلب

محمد عبد السلام
05-08-2008, 02:23 PM
يوم الجمعة غدا
ارسلي أحمد أخوكي على العنوان التالي
شارع طلعت حرب ( اللي المدرسة موجودة فيه ) هينزل في الشارع من عند المحافظة طبعا
يمشي حتى يصل عند مسجد فريد المصري ويعدي مسجد فريد المصري حوالي 30 متر
فيه على اليسار شارع جانبي فيه كوافير رجالي (( إسمه حلاقة الأرز )) بفتح الهمزة
فيها هاشم أخي معه الألوان الذهبي واحتمال يكون فيه لونين آخرين أنا قلت لهاشم هيجي لك واحد اسمه أحمد الرفاعي (( هو بس يقول له أنا أحمد الرفاعي ..... زميل .... محمد عبد السلام في مدرسة الخوطوط ))
هـــــــــــــــــــدية مني للأستـــــــــــــــــاذة
محمول هاشم ......... 0106972575

نبيهه الرفاعي
05-08-2008, 03:04 PM
لا حول ولا قوة الا بالله
ليه يا استاذ محمد؟؟؟؟؟؟؟
ما بحبش أكلف حد ............لا اله الا الله
و بعدين حضرتك محتاجه اكتر منى ....و بتقول انه مش موجود فى الاسواق
انا هتصرف و اجيب الحبر المائى من اى مكان تانى

مش عارفة اقول ايه والله
عامة ...شكرا جزيلا...و ربنا يسهل و احمد يروح للاستاذ هاشم

بارك الله فيك و رزقك ما تتمنى و فتح علينا و عليك
على فكرة ...الاستاذ عبد السميع ترك المدرسة من 3 سنوات

علاء الدين الخياري
05-08-2008, 05:34 PM
اهلا وسهلا بكم
اما بعد
لاحرج ان وجدت اخطاء في اللوحة...
واصلي اختي الكريمة ...
لا مستحيل لدى اهل العزم...

نبيهه الرفاعي
05-09-2008, 05:45 PM
شكرا لك اخى الكريم علاء
و هشكرك اكتر لو عرضت تمارينك
شوقتنى اشوف خطك

chucky
05-10-2008, 07:59 AM
ماشاء الله تبارك الله على اللوحة

يعطيك العافية على الخط تسلم يدك

محمد عبد السلام
05-10-2008, 11:22 PM
أكرر إهتمي بالخط جدا وأنا أتمرن بجدية وسترين قريبا أشياء تفرحك بالنسبة لخطي
وإن تكلمتي مرة ثانية في ثمن الألوان والله ما أدخل المنتدى مرة ثانية
الرموز في رسالتي بتكون فيرس ............... ورسالك أيضا تظهر أمامي وعليه تحذير بعدم فتحها لوجود فيرس
أنا بقول الألوان هدية مع أنها (( مش مستاهلة الكلمة )
ونبيهة بالنسبة لي أخت
وهزعل منك لو كررتي الكلام ده

نبيهه الرفاعي
05-10-2008, 11:44 PM
شكرا لك اخى الكريم chucky
يعطينا و يعطيك العافية يارب

استاذ محمد.... فى انتظار رؤية كتابة حضرتك
و بالنسبة للالوان....... يفعل الله ما فيه الخير