المساعد الشخصي الرقمي

مشاهدة النسخة كاملة : لوحة صاج ع الماشي


أبو الليل
09-18-2007, 11:16 AM
السلام عليكم ورحمة الله وبركاته
كل سنه وانت جميعا بخير
في البدايه احب اعتذر عن غيابي عن المنتدى لاني والله طوال فتره شهر شعبان كنت مشغول بعمل كلفت بيه وهو كتابة الايات القرآنيه لاكبر مسجد في بلدنا كان يتم تجديده وكان الوقت مضغوط جدا ومحدود وقد اكملت العمل بفضل الله تعالى وتم افتتاح المسجد في اول يوم من ايام شهر رمضان المبارك وكانت السعاده تغمر الوجود بافتتاح المسجد والتجديدات التي حدثت فيه حيث ساهم كل اهالي البلد في اعادة اعمار هذا المسجد
وكان لي الشرف ان اكون انا من يكتب لوحاته ، وان شاء الله سوف اعرض اللوحات في موضوع مستقل

احب ان اسلم على اعضاء المنتدى فرد فرد وعلى مشرفيه واخص بالذكر الحبيب احمد عادل والاخ احمد العمري والاخ الطيب والاخت العزيزه نبيهه الرفاعي ( عارف والله اني مقصر في حقكم كتير ) ولكن اعذروني

اما بالنسبه لموضوعي ده فهو موضوع حبيت من خلاله ارجع للمشاركه وهو عباره عن لوحه من الصاج كتبت لمدرسة وقد كتبت على عجل ولكني احببت ان اعرضها عليكم من باب المشاركه

انا كتبت الكتابات الكبيره بالطباشير وقد قام بتلوينها الاخ العزيز احمد حسني وهو طالب بمدرسة تحسين الخطوط العربيه وعاشق من عشاق الخط العربي وهو بالمناسبه عضو جديد معنا في المنتدى

اما الكتابات الصغيره فقد قمت بكتابتها مباشرة بالفرشاه
( معلش بقى يا ابو عادل طلبت معايا لغة عربية المره دي ) هههههههه

نبيهه الرفاعي
09-18-2007, 03:55 PM
بارك الله فى الانامل الذهبيةالعاشقة للرقعة ...
بالنسبة للجامع ..ربنا يوفقك ...ويجعله فى ميزان حسناتك ..ويا رب مزيد من التقدم والتواصل والاستمرار فى هذا المجال العظيم
وبارك الله فى احمد حسنى ..ما شاء الله
و لا تحرمنا من مشاركاتك و مواضيعك .... ربنا يتقبل منا ومنكم

الخريص
09-18-2007, 04:35 PM
ماشاء الله
تسلم يدك ياحبيبي
الخريص

عارف
09-18-2007, 08:01 PM
ما شاء الله تبارك الله

بارك الله فيك وجزاك الله خيرا على هذه المشاركة الطيبة

رقعة مرتبة وجميلة

احمد حسني
09-21-2007, 04:16 AM
انا بشكرك جدا يا حبيب قلبى يا ابو الليل على الكلام الجميل اللى قولته عليا وان بعتبرك مثل اعلى

أبو الليل
09-22-2007, 12:18 AM
الاخت العزيزه نبيهه الرفاعي
متشكر قوي على كلامك وثناءك الجميل انا فعلا بحب الرقعة وبستخدمه كتير في العمل التجاري خصوصا لما بيكون عنصر الوقت مطلوب زي ما كان حاصل في اللوحه دي لاني بدات شغل فيها بعد السحور واتسلمت بعد الظهر

ربنا يبارك فيكي ويتقبل دعائك ( ياريت تدعي لي كده على طول )

العزيز والحبيب احمد حسني


الاخ الخريص
ربنا يبارك فيك واسعدني فعلا مرورك

الاستاذ عارف
شرفني مرورك الكريم وكلامك وسام على صدري

العزيز والحبيب احمد حسني
سعيد قوي ان اول مشاركه ليك تبقى رد في موضوع ليا انت موهوب وان شاء الله يكون ليك مستقبل باهر في الخط وربنا يجعلني عند حسن ظنك

أحمد عراقيب
11-16-2007, 04:38 PM
الله ينور عليك يابو الليل
بصراحة شوقتني للشغل التجاري
كنت ادمنت فترة العمل بالبوية قبل سفري للسعودية
وانا لي اقترا ح نعرضه على الاخوة الاعضاء بان يتم تخصيص منتدي للاعمال التجارية التي تتبع القاعدة وذلك للاستفادة
وفققك الله لما يحب ويرضى

دحمان رياض
03-08-2008, 12:42 AM
بارك الله في هذا الموقع

متعلم
03-08-2008, 05:02 AM
حلوه بهالحجم

تسلم ايدك

أحمد عادل
03-08-2008, 10:01 AM
تصدق ما شوفتش الموضوع ده قبل كده ؟؟؟
مش معقول... فات مني ازاي؟
انا شوفت اللوحة أكيد .. سواء و انت بتكتبها فيديو أو الصوره .. بس ما شوفتش الموضوع
بالنسبة للكتابة .. جميلة جدا .. خصوصا انها على الناحية الإعلانية .. و بالطريقة المصرية الجميلة
احب الكتابه دي و شكلها الجميل .. لأن فيها إحساس ما حدش يعرفه إلا اللي شغال في الإعلانات
مع أن الملو خربها ... بس تفضل شكلها حلو
بالنسبة لكلمة مدرسه ما عجبتنيش يامعلم خالص .... لأنك رفعت الدال خالص.. المفروض انها تكون على السطر ..(دي قاعدة الإعلان)... بعيد عن القاعده... و كمان الهاء مش عاجباني....
الرقعه الصغيره ميه ميه .. تسلم ايدك
و إلى لقاء آخر في الحلقة القادمة إن شاء الله

أبو الليل
03-08-2008, 11:41 AM
حبيبي احمد عراقيب
ربنا ينور عليك انت يا حبيبي ويبارك فيك
وشرفني مرورك ياريت متحرمنيش منه ابدا

الاخ دحمان رياض :
ربنا يبارك فيك وينفع بيك

الاخ متعلم :
الاحلى مرورك اخي الكريم

ابو عادل بك :
سلامة الشوف يا باشا هههههههههههه
كويس ان اللوحة عجبتك
انا معاك فعلا بخصوص كلمة مدرسة هي كلها على بعضها فعلا مش عاجباني
بس والله مكانش فيه وقت اصلح حاجه
كنت تعبان جدا ومستعجل جدا ههههههههههههههههه وخايف انام قبل ما اخلص هههههههههههه

بقولك ايه
هي الحلقة الجاية هتيجي الساعة كام ههههههههههه

حسن الخطاط
03-08-2008, 02:01 PM
مشاركة جميلة أخي أبو الليل

وبارك الله فيك

أبو الليل
03-09-2008, 09:19 AM
الاجمل مرورك الكريم اخي حسن
بارك الله فيك

الخطاط مجدي
03-09-2008, 11:50 PM
ماشاء الله تسلم ايدك اخي ابو الليل

رقعة راااااااااااائع


فلتفخر محافظة الفيوم بخطاطها ابو الليل


بالتوفيق

تحياتي .............. محمد مجدي

جاب الخير احمد رياض
03-11-2008, 09:11 AM
ماشاء الله حبيبنا ابوالليل عمل جميل وكنت شفته قبل كده يعني شغل معلميييييييييين
ومبروك عليك كتابة المسجد وجعلها الله في ميزان حسناتك
اخوك المحب رياض