المساعد الشخصي الرقمي

مشاهدة النسخة كاملة : نسخ جديد .ارجو التصحيح


نبيهه الرفاعي
09-21-2007, 12:29 AM
ارجو التصحيح يا استاذ مختار
وهدعى لمن يدلنى على اخطائى ...دعوة خالصة قبل الافطار
النسخ بقلم 1 مللى على ورق كوشيه
تقبلوا تحياتى

نبيهه الرفاعي
09-21-2007, 12:32 AM
وحبيت انزل المشق اللى كتبت منه .. لشوقى ...رحمه الله

الطيب
09-21-2007, 12:47 AM
ما شاء الله عليك وعلى همتك
زادك الله من فضله

نبيهه الرفاعي
09-21-2007, 01:04 AM
شكرا للاخ الطيب ... ادعى لى استمر بالتدريب

شكرا على مرورك على الموضوع
ربنا يفتح عليك ...ويتقبل منك صيامك وقيامك
ولا تنسانا من الدعاء

أبو الليل
09-21-2007, 02:35 AM
والله انا سعيد جدا من همتك في التدريب يا نبيهه
ما شاء الله مستواكي بيتطور بطريقة ملحوظه
واجمل شئ بيعجبني انك بتنزلي تدريباتك علشان تعرفي اخطائك مش علشان تسمعي كلمات المجامله من الاعضاء ( ده اللي انا بحسه من كلامك فعلا )

التدريب ما شاء الله جميل وعجبني جدا والله وفيه حركات جميله جدا احسدك عليها
وده تعليقي بالتفصيل :
إن الأبرار لفي نعيم
الجزء الاسفل من اللام الف ناشف شويه
الهمزه محتاجه مراجعة
الباء راء محتاجة ليونة اكتر
الجزء العلوي من الراء المفردة محتاج يطول شويه
حرف الفاء في كلمة ( لفي ) مدبب من اعلى محتاج يكون فيه دوران
المقطع ( لفي نعيم ) جميل قوي قوي وقوي
طبعا محتاجه تهتمي بالتشكيل شويه
المستوى بشكل عام حقيقي جميل ومشجع

وإن الفجار لفي جحيم
الجزء السفلي في الواو كبير بعض الشئ عن المطلوب
حرف الفاء الوسطي في كلمة الفجار محتاج مراجعه لانه اصغر من المطلوب قارني بين الفراغ الداخلي عندك و عند شوقي
الجزء العلوي في حرف الجيم في كلمة الفجار فيه ليونة زايده عن اللازم شويه
كلمة ( لفي ) هناك احسن من هنا
البعد بين الجيم والحاء في كلمة جحيم عند شوقي اكبر من عندك
الجزء الاخير في حرف الميم في كلمة جحيم محتاج يكون متطرف شويه للشمال ( ربنا يكفينا شر التطرف يا رب ) هههههههههه

انا كنت ممكن اكتب لك كلمة مجامله ع الماشي وامشي بس انا عارف انه مش هو ده اللي انتي عايزاه

بس حقيقي مستواكي ما شاء الله عليه في تقدم واضح جدا
ربنا يبارك فيكي ويزيدك

نبيهه الرفاعي
09-21-2007, 09:30 PM
شكرا يا محمد على النقد
هى دى الطريقة اللى تعلمنى صح ..وانا فعلا محتاجة هذا
لان المجاملات وكلام التشجيع هوصحيح مفيد للطالب ،ولكنه لا يرفع مستوى
تقبل تحياتى ...

طارق تي
09-22-2007, 07:00 PM
الأخت نبيهة رمضان كريم
والعرض مغري خاصة دعاء الصائم عند الفطر
وأحببت أن أضيف إلى موضوعك هذه المشاركة
http://www.arb-up.com/9-2007/4j175904.jpg
مع التنبيه طبعا إلى نسخك الجميل وبدون مجاملة

نبيهه الرفاعي
09-23-2007, 12:52 AM
ما شاء الله.... استاذ طارق خطك حلو جدا...
و التصحيح مفيد ...و يا ريت دايما تكون هذه هى الطريقة فى المنتدى
حتى تعم الاستفادة... ويكون فيه فايدة من نشر التمارين
ربنا يبارك فيك ..

كمال المروني
09-23-2007, 10:42 PM
ما شاء الله ..
نسخ جميل .
ربما التشكيل يحتاج إلى مزيد من العناية .
أرجو لك التوفيق .

نبيهه الرفاعي
09-25-2007, 12:34 PM
طيب كيف مزيد من العناية يا استاذ كمال ؟
ياريت توجهنى ...لانى لا اقدر على اكتشاف مكمن الضعف فى الحرف

كمال المروني
09-25-2007, 10:53 PM
أقصد اننا لا بد أن نهتم بالتشكيل كما نهتم بالحروف .
يعني نتأمل التشكيل وأسراره .
وعلى العموم الكتابة بشكل عام جيدة ، وإنما أحببت أن أقول ان بعض ( الفتحات ) تحتاج إلى اهتمام أكثر ..
يعني إيه اهتمام أكثر ..؟! :p
يعني نتأمل كتابة شوقي ونحاول نقلدها .
نسأل الله التوفيق لنا ولكم .
السلام عليكم

الإدريسي
09-26-2007, 10:16 PM
السلام عليكم ورحمة الله تعالى و بركاته
خطك في تطور ملحوظ وذالك نتيجة التداريب المستمرة
عندي ملاحظتين
1 حاولي إعطاء النقط حقها من الجمالية (فتكون جلها متشابهة )
2 سن بداية الراء يجب أن يكون قياسه نقطة ونصف
اتمنى لك التوفيق من كل قلبي

نبيهه الرفاعي
09-27-2007, 12:16 AM
شكرا يا استاذ كمال على التوضيح
و شكرا للاستاذ الادريسى على التشجيع ..و التوجيه المهم
النقط ليست هينة فى الخط...و سأعمل بنصائح حضرتك دائما

شكرا لكم جميعا
و دعواتى لكم

مختار
10-01-2007, 01:33 AM
الأخت / نبيهه الرفاعي
السلام عليكم ورحمة الله وبركاته ، وبعد ..
فأبارك لك شهر رمضان ولو أنه متأخر ، وكل عام وأنتم بخير ، وأشكرك على الثقة التي لا أستحقها ولكن هذا كرم منك ، فالله يرفع من شأنك دنيا وآخرة .
خطك جميل ، واعملي بنصائح الإخوة ، وأتمنى لك مزيدا من التوفيق ، وقد كتبت لك الآيتين ، أرجو ان يكون مفيدا ، كما بعثت لك بهدية أرجو القبول والاستحسان .
لا تنسينا من الدعاء ، حفظك الله ورعاك .

سمك القلم : 1 ملم تقريبا
الحبر : مركب شاهد

مختار
10-01-2007, 01:51 AM
عفوا على النقطة الزائدة التي فوق الجيم من كلمة الفجار حيث لم ألاحظ ذلك إلا بعد رفع الآية ، وقمت بتعديلها ، وأرجو من إخواننا المشرفين إذا كان ممكنا إزالة اللوحة التي بها خطأ ولهم جزيل الشكر .





تم التعديل أستاذنا مختار، جزاكم الله خيرا على ما تقدمونه لنا

نبيهه الرفاعي
10-01-2007, 12:05 PM
فرحتى تفوق الوصف والتعبير يا استاذ مختار بالهدية الرائعة
كل حرف منها يمثل جمال على جمال ونور على نور
خط حضرتك الوحيد اللى بيصيبنى بالاحباط ... :)ليس لأى سبب لا سمح الله
الا انى بحس ان امامى 100 سنة حتى اصل لهذا المستوى ...ولان خط حضرتك بسيط جدا وواضح وصافى ....و كما ينبغى ان يكون
والله أخذت نفس عميق واطلت النظر فى الكلام المكتوب ،و تيقنت انى مهما تكلمت فلن أوفيك حقك فى الشكر
لكن الدعاء خير هدية اهديها لحضرتك ...بارك الله فيك وكفاك شر اعداءك.. ....و زادك الله من فضله ..و افاض عليك من علمه ...و غفر الله لك...و جعلك من اهل الجنة .

بارك الله فيك استاذ مختار ....و ادخل السرور على قلبك دائما .

نبيهه الرفاعي
10-01-2007, 01:01 PM
نسيت اقول شكرا على التصحيح استاذ مختار