المساعد الشخصي الرقمي

مشاهدة النسخة كاملة : سؤال اتمنى اجابتكم عليه لاني مبتدئه..ولازلت..


L & L
11-01-2007, 12:40 PM
ممكن سؤال :

ما هو حصى الجوز ومن وين نجيبه؟؟اسمع انه يستخدمه الخطاطين..؟
وفي ماذا يستخدم..؟

السؤال الثاني..:

من وين احصل على الصمغ العربي؟وفيماذا نستخدمه..؟

شاكره لكم هذه الجهود

ونسأل الله ان يجعلها الله في ميزان حسناتكم جيعا..

**الشاهد**
11-01-2007, 03:49 PM
لي رد على الموضوع يا أستاذة إل آند إل

بس شوية أروق

وبعدين بعدل المشاركة

وبقول المفيد

سلام

نبيهه الرفاعي
11-01-2007, 04:36 PM
اختى الكريمة
الحصا الجوز ده مادة سودا تشبه قطع الزجاج المكسور ( مدشوش- مجروش)...بس قطع صغيرة ...لونها اسود لامع جدا
المفروض انها تباع عند العطارين.... او عند محلات البويات والدهانات
لا اعلم ان كان لها مسميات اخرى فى باقى البلدان العربية ام لا...انا بكلم عن مصر واللى فيها
الصمغ العربى من عند العطارين ايضا ...لونه اصفر...او اصفر مائل للبنى ..و هو لامع ايضا
بس نصيحة منى لا تستعملى منه كتير على الحبر .فقط قطعة بحجم حبة الفول السودانى .((( ولازم يدوب على حمام مائى كما علمت اخيرا ...مثل طريقة ذوبان الجيلاتين ))).لانه بيخلى الحبر يشد الورقة ...خاصة لو ورقة خفيفة الوزن ...و لو زادت نسبة الصمغ بيشقق الحبر بعد كدة بعد ما ينشف ...هو ميزته الوحيدة انه بيعطى لمعة للحبر ( بريق) بس اللمعة مش قوى ... و بيعطيه ثبات على الورق...بس

دى عن تجارب كتيرة فى الحبر من كام سنة ....و مرات الحبر يعفن و مرات الحبر ينشف ومرات يطلع باهت و مرة يطلع خفيف .و مرة تقيل لدرجة انه يلزق و يبقى متل طبقة الزفت اللى بيرصفوا بيها الشوارع ...اه والله ...يووووووه ياما عكعكنا ..و بوظنا


لو بدك اقولك وصفة جيدة للحبر
هاتى حصا جوز و ماء مقطر من الصيدلية و بس

حطى الحصا الجوز فى برطمان زجاجى ...و عليه ماء مقطر ( كيس واحد ) و قلبى حتى يذوب الحصا .اقولك: اتركيه ليلة كاملة وتانى يوم قلبيه تانى... هتلاقيه داب وبقى اخر حلاوة ..و اذا احتجتى ماء تانى وحسيتى انه تقيل ممكن اضافة مزيد من الماء...بس مش كتير ...عشان ما يبقاش خفيف
دا اخر ما توصلت له فى الحصا الجوز بالذات
ولو احتجتى حاجة تانية انا فى الخدمة ..

.و اكيد عبد الرحمن الشاهد عنده راى تانى
فى انتظار سماع رأيه .......نتمنى له الشفاء

أبو الليل
11-01-2007, 07:07 PM
بارك الله فيك اخ عبد الرحمن الشاهد على متابعة الموضوع
وفي انتظار ما عندك واكيد عندك الكثير

وجزيل الشكر للاخت العزيزه نبيهه الرفاعي على التوضيح الكبير والشرح الوافي ( ايه الحلاوة دي )

بس ليا سؤال في موضوع الماء المقطر ده قبل ما نحط الماء بنسخنه ولا بيبقى عادي من غير تسخين
وايه هي نسبة الميه باللتر لنسبة حصى الجوز بالجرام ( او بالكبشه زي ما تحبي ) هههههه ولو حبيتي الميه تبقى بالشويه مفيش مشاكل هههههه

واحب ارحب باختنا العزيزه وعضوتنا الجديد L&l واهلا وسهلا ومرجبا بك اختنا العزيزة في منتدى المبدعين وفي انتظار اعمالك وتدريباتك وابداعاتك

أحمد عادل
11-01-2007, 09:10 PM
سلام عليكم و رحمة الله و بركاته.....
أولا ارحب بالأخت ال و أل ... معانا في المنتدى ... و ان شاء الله نشوف اعمالك ...

بصراحة لما شوفت مشاركات الأخ ابو الليل و الأخت نبيهه قولت ايـــــــــــه؟؟؟..
قولت أما أخش ادلو بالجردل بتاعي أنا كمان... إيش معنى كله دلأ الدلو بتاعه في المشاركه.. و المشاركة اتملت.. و بقت لوز اللوز.....

بالنسبة للأخت نبيهه .. وفت و كفت ... و ما عليها ذود...

بالنسبة لتساؤلات المشاغب(أبو الليل)... ضيف إلى معلومات سيادتك...
ان حصى الجوز ده بيأتي بالتجربه .. و ليس بالمقادير... يعني انت بتجرب الحبر ... كيف؟

اول حاجه .. مافيش فرق بين الميه السخنه و المايه الفاتره.. لأن الحصى بيدوب فيها كله.... بس طبعا السخونه بتدوب الحصى اسرع من البروده... عشان كده تلاقيني اقولك علىطول (سخونة السخونه)...
بعد ما بتجيب المويه.... تظبطها .. و تحط عليها شوية حصى... طبعا ممكن تحط الحصى ده في حتة قماشه .. عشان يصفيه اوتوماتيك قبل ما يدوب في الميه...
أو تحط الحصى في الميه علىطول...
طبعا الحصى تقريبا كده ... عارف ازازة الدوا اللي لونها بني دي... تحط تقريبا عليها 3 معالق كبيره حصى... او معلقتين...
و بعدين تجرب ... لو لاقيت الحبر خفيف زود الحصى.. و لو لاقيته ثقيل .. زود مويه..
و بالتجربه هاتعرف الموضوع ده بنفسك...
بالنسبة للغرا... ما بنصحش باستعماله مع الحبر.. لأنه زي ما قالت نبيهه... بيشد الورق بعد النشفان... و كمان لو كان كتير بيخلي الحبر يفلق و يطق عن الورقه...
كمان فيه حاجه.. انه بيخلي الحبر يتأخر في النشفان...

و عموما حبر حصى الجوز مقرف في حكاية النشفان دي... يعني بياخد وقت كتير قوي على بال ما ينشف.. عشان كده يستحسن انك تحط عليه نقطة سبرتو...
نقطه واحده بس ... عشان لو كثرت عليه السبرتو... هايخلي الحبر يشف ..و يفرش...

بس .. و تفضل ترج الإزازه... شويه حلوين ... لغاية لما تحس ان الحبر بقى تمام...
و بالهنا و الشفاء....

و أي خدمه اجتماعيه بنها بنها بنها...

أحمد عادل
11-01-2007, 09:16 PM
آه نسيت اقول حاجه مهمه....... جدا جدا....


الحصى الجوز ده لونه بني... و ليس أسود... طبعا لون الحبات قبل ما تذاب في الماء بني شديد السواد.. لكن بعد الذوبان بيكون لونه بني ........

في منه نوع ثاني.. إسمه حصى اسود ... هو اللي بيعطي الحبر البني...
لذا .. لو حبيتوا تجيبوا حصى لازم تطلبوه بالإسم.. سواء اسود أو بني .. لأن من يبيعون هذه المادة... (أقصد المتاجر)و اصحاب الحدايد و البويات... لا يفرقون ان كنت هاتستخدموه في الأحبار أو في الصباغه .. لذا وجب التنويه ...

أخوكم عدوله...
عسكري الخط العربي...

L & L
11-01-2007, 09:24 PM
يعطيكم الف الف الف عافيه ...
على تجاوبكم ولي عوده باستفسار اخوتي..
ويارب تكون اعمالي البسيطه تعجبكم...
لاني لازلت مبتدئه جدا ..
تحيااااااااتي

ألماسه
04-26-2008, 05:43 PM
موضوع رائع وشيق ..
جزيتم خيرا جميعا لتعاونكم

رافت
06-25-2009, 01:20 PM
جزاكم الله خير الجزاء