المساعد الشخصي الرقمي

مشاهدة النسخة كاملة : قالب كتابة اسم عبد الهادي


أحمد عادل
06-20-2007, 11:25 PM
السلام عليكم و رحمة الله و بركاته
هذا قالب لكتابة اسم أخي الكريم محمد عبد الهادي
أرجو من الأساتذة النقد...
اتفرج استاذ مختار و اخبرني رأيك
القلم 9 مليمتر
الحبر خليط
الورق ظهر ستيكر

أبو الليل
06-21-2007, 12:14 AM
حلوه يا ابو عادل
ومبروك لعبد الهادي

بس اسمح لي بقى يا حبيبي امارس هوايتي المفضله او هوايتنا احنا الاتنين ( انت عارفها طبعا ) ههههههههههههههههه
عجبني قوي حرف الدال قوي وجميل في رايي هو اقوى حرف في القالب
امارس هوايتي بقى :
منطقى الاتصال بين الجزء العلوي والجزء السفلي في حرف الياء الراجعه كان محتاج يكون ارفع
نهاية الياء الراجعه انا مش عارف هي مشعره ولا بقطة القلم
الجزء السفلي في حرف العين انت بادئ فيه بعرض القلم وكان المفروض بسمك ارفع شويه ويتدرج في السمك
انا عارف طبعا ان شغل السوق بيكون ليه تاثير على الخطاط في كتاباته الاكاديميه بالذات في مناطق الاتصال بتلاقيها اكثر سمكا من المطلوب بسبب التاثر بكتابة العمل التجاري
وبكده اكون خلصت ممارسه هوايتي المفضله واديلك فرصه تمارسها في ردك ههههههههههههههههههههههههههههه
مستنى العمل النهائي يا ابو عادل اوك
بس متتاخرش
سلام

رفعت الجمال
06-21-2007, 12:18 AM
السلام عليكم
ازيك يابوعادل
مبروك عليا ياحبي
وتسلم الايادي ياباشا وعقبال مانكتب لك دعوة الزواج
شكرا ياحبي

أحمد عادل
06-21-2007, 09:31 AM
السلام عليكم و رحمة الله و بركاته
أخي أبو الليل... بارك الله فيك على النقد الجميل....

كلامك مظبوط كله ياباشا....

في نقطتين دوخوني في التركيبة دي...
أولهم اتصال الألف مع العين.... و الثانية الياء الراجعه . أو نهايتها.. أعملها مسلوبه ولا بقطة القلم....
و في كل التراكيب كنت عاملها بالقطه.. و بعدين سلبتها .. عشان كده طلعت بالمنظر الغريب ده.....

على فكرة انا عملت كذا تركيب أو كذا قالب... بس كنت بعيد عشان حاجات زي دي... و طبعا ما ظبطش تاني مره مع اني كنت ناوي... لأن الفترة الأخيرة دي كان عندي مشاكل لا يعلم بيها إلا ربنا ..
ادعيلنا ربنا يفك همنا و يفرج عنا....

بالنسبة للعين.. هي انا كنت كاتبها حلو.. بس طبعا كثرة الإعاده .. جابت سمك القلم ...
و اتصال الياء فعلا سميك.. لسه مراجعه عند سامي لاقيته رفيع..
و انا اللي كنت بحسبه سميك...
انت عارف الاتصال اللي انا عامله شبه اتصال الياء الفارسي.. ههههههه
دلوقتي انا باكتب فارسولث هههههههههههههههه

خد ده تركيب ثاني كنت عامله هاتلاقي العين فيه احلى من الثانية.. بس حرف الدال خربان شوية....


شكرا يا عبد الهادي على المرور... و ادعيلي ربنا يسهلها عشان اعرف اكتب الاسم ... و ربنا يسهل يا عم و تكتبلي دعوة فرحي...
ادعي بس ربنا يفرجها بعروسه بنت حلال و حلوه ... و بعدين كله بعد كده يبقى سهل

شكرا يا ولاد الحلال اخوكم
حاجي عدول .. هههههه
على رأي احمد العمري

مختار
06-21-2007, 10:08 AM
تصميم جميل يا أستاذ / أحمد
الله يحفظك ، ويزيدك من نعيمه .

الوهراني
06-21-2007, 03:06 PM
جميلة والله
مبارك لعبد الهادي

أبو الليل
06-21-2007, 03:19 PM
انا عارف يا ابو عادل انك الفتره الاخيره فعلا كان عندك بعض المشاكل في الشغل وبدعي لك والله من كل قلبي ربنا ييسر لك الحال ويعينك امين

العين فعلا في التانيه احسن كتير
تسلم الايادي يا ابو عادل
وفي انتظار العمل النهائي

أحمد عادل
06-22-2007, 02:21 PM
السلام عليكم
اشكرك استاذ مختار على المرور.. الذي هو شرف لي...
حبيبي بدر الدين... انتظراسمك إن شاء الله
بس لما ربنا يكرمني...
شكرا يا ابو الليل و ربنا يفك و يسهل لنا..
أخوكم
احمد

ehab aziz
10-10-2007, 04:57 PM
ابو عادل الغالى
سلمت يداك يا باشا واحنا عارفين الشغل والحلاوه بتاعتك واللوز المعروف
ولكن اسمح لى ببعض الملاحظات الخفيفه
اولا واهم نقطة الالف مع العين الالف صغيره فى مقاسها ومش مضبوطه مع العين
ثانيا الياء الراجعه الجزء الاخير المسلب عايز تظبيت وياريت ماتنسى تكتب اسمى
اخيرا السلام ختاااااااااااااااااااااااااااااااااااااام
اخوك ايهاب عزيز من ..............

محمد البياتي
10-14-2007, 10:04 AM
كل عام وانت بخير يا اخي احمد وسلمت اناملك لما كتبت والله تركيب جميل جدا جدا
بارك الله فيك

الخطاط مجدي
10-14-2007, 03:05 PM
تسلم ايديك استاذ احمد

بارك الله فيك

وكل سنة وانت طيب

مشكووووووووووووووور